10/22/2013
9:44 PM
Para-paraan
nga ano? Walang pinipiling panahon ang pananamantala. Tama, kahit lumindol pa.
Desperate calls
for desperate measures, ika nga. Ang tao, gagawa ng paraan kahit sa karimarim na
pamamaraan, makakuha lang ng ”relief goods.” As in kung sa ordinaryong araw –
makakain lang ang kanyang nagugutom na sikmura. Dito mas applicable ang mga
salitang “kapit sa patalim.” At kung tutuusin, hindi na bago ang pagkapit sa
patalim. Dahil kahit anong kalamidad pa yata ang tumama, may mga bugok na
lalamangan pa rin ang kapwa nila – dahil iniisip nila ang sarili nila. Ang mga
gagong ‘to, parang kayo lang ang binayo ng delubyo ha? Parang kayo lang ang
dapat hatiran ng tulong ha?
Bakit ko
nasasabi ang mga ito? Pansinin:
Kung tama ang mga ulat sa balita, aba, parang
hindi naman yata tama ito. Na ninanakawan na ang mga bahay at ultimo pati mga
remittance center, ‘di pinapalagpas – as in hilonoldap pa raw. Habang nakikinig
ako ng isang newscast ng isang istasyon ng TV sa radio counterpart nito, parang
napapakamot na lang ako sa ulo ko (sa taas, siyempre)... at napapa-isip. Nagawa
pa nga yatang barilin pa ng mga mokong na ‘to ang bantay na aso ng isa sa mga
residente para lang makalusot sa krimeng gagawin e.
Pero kung ang
mga ungas ay pagnanakaw lang ang alam, e ito... baka mas malala pa. Mantakin mo,
ang mga relief goods daw na mula sa mga pribadong indibidwal at grupo, hinaharang
pa yata di umano, at hino-“hoard” ng mga opisyales ng lokalidad ng mga bayan sa
naturang probinsya. Mayroon pa ngang nade-delay dahil sa pamumulitika. Parang nakakalimot
yata tong mga ‘to na unahin muna nila ang mga taong pinaglilingkuran nila bago
pairalin ang kanilang pagiging ambisyoso.
At oo nga
pala, suspendido ang barangay elections dun. In fact, sa November 25 ito
gaganapin, hindi sabay sa nationwide (minus the selected devastated areas) na
October 28. Yun naman pala e. So what’s the point para sumimple sa
pangangampanya? Ay, oo nga pala, panahon na rin pala ‘to para magpasikat sila. ‘Di
nila kailangan na kumanta o sumayaw sa pinakabaduy na pamamaraan (as in yung
magmumukha silang mga tanga) para lang ligawan ang mga constituents nila. Mabuti
naman kung gan’on, ‘di ba?
Pero para
i-repake ang mga donasyon at ilagay ito sa mga bag na kalakip ay pangalan ng pulitiko?
Kung totoo man ang tsismis d’yan.... Hoy, *radio* EPAL spotted.
Lechugas
naman. Ayaw namin ‘yan! Mahiya naman kayo, oy! Isip-isip din pag may time.
Ay, oo nga
pala, wala na nga kayong utak, wala pa kayong time.
Sources:
author:
slickmaster | (c) 2013 september twenty-eight productions
No comments:
Post a Comment
Feel free to make a comment as long as it is within the bounds of the issue, and as long as you do it with decency. Thanks!